رسالة من ورشفاني

ياريت اتغيروا من لهجة الهجوم علي قبيلة ورشفانة كاملة ومتنسوش ان ورشفانة تتكون من 7 لحمات وحوالي 20 قبيلة يعني في حياتكم سمعتوا بالملطة يخنبوا مع ان هما اكبر قبيلة من حيت العدد في ورشفانة او سمعتوا بحد من اولاد جاهلية او اولاد صالح او اولاد سعود او اولاد حامد او اولاد حرب في يوم دار العار
يعني مدامه العار والخنبه والخطف كله من اولاد امبارك واولاد عيسي وعلاش ديما علي ابسط حاجة علي طول اتقولو ورشفانة وتشوهوا في سمعت القبيلة كلها وعلاش في منشوراتكم ماتقولوش اولاد امبارك واولاد عيسي هما الي يخطفوا ويقتلوا وباقي ورشفانة برائة منهم
وبعدين لما اتقول عمليات سرقة في العزيزية الناس كلها تحساب سكان العزيزية هما من يقوم بالسرقات ياريت اتوضح لناس ان العزيزية محتله من قبل الحوتين (اولاد امبارك) وان السرقات سببها هم وان سكان العزيزية لادخل لهم
نحنا سكان العزيزية قبل 11/11/2011 كان اصحابنا وجيراننا اغلبهم من غريان والزاوية ومصراته ومكناش نعرفوهم الاشكال الي جونا حاليا ولو توضح لناس ان سكان العزيزية اخلاقهم لم تتغير هما نفس الناس الي كانوا يفتحوا في مزارعهم في الربيع لناس باش تزرد فيها هما نفس الناس الي كانوا يقيموا في موائد الرحمن طول شهر رمضان لعابري السبيل
واعرف ياخوي احمد ان نحنا سكان العزيزية مش راضين بالوضع الحالي ونتمنا ان ينقلع الاوباس الي احتلوا مدينتنا
لكن في نفس الوقت مانرضوش بأي اهانة لقبيلتنا ومانقدروش انخلوا التاريخ يسجل ان قبيلة او مدينة دخلت ورشفانة بقوة السلاح وتأكد ان 90% من سكان ورشفانة يشاركوني الرأي
بمعني ان لو يتم الدخول الي ورشفانة من قبل قوة مشتركة من مناطق بعيدة علي منطقة ورشفانة متل الخمس ومسلاته وترهونة وغيرها وتكون هذه القوة بقيادة شخص انضيف من ورشفانة وتحت شعار ان القوة هذه قادمة من اجل تأمين سكان ورشفانة (ليس من اجل تهجيرهم وحرق بيوتهم متل ماصار في احدات فجر ليبيا) صدقني حتلقوا كل اهل ورشفانة واقفين معكم
احمد هويدي

Advertisements