مرافعة ممثل النيابة، في قضية التخابر بتاعت “محمد مرسي”

صورة صفحة ‏‎Alaa Hammouda‎‏ الشخصية

 

في مرافعة المستشار “إلياس إمام” ممثل النيابة، في قضية التخابر بتاعت “محمد مرسي”.. قررت إني “أسمعها” و أنا باشتغل.. يعني عيني ماتبقاش علي الشاشة.. بس هي شغالة في الخلفية.. عندي المقدرة دي.. ممكن أسمعك و أنا باعمل حاجة.. بس مش حاتفاعل معاك إلا لو سبت اللي في إيدي..

بس ساعتها لقيت نفسي فعلياً مش مركز و سبت اللي في إيدي!

الكلام اللي سمعته فاق كل حدود الخيال…

الأخ محمد مرسي، طلب – بشكل رسمي موثق – تقارير رسمية عن حركة الجيش المصري و أفرعه المختلفة و تشكيلاته و هيكلته و موازنته و تسليحه.. و بما إنه رئيس الجمهورية، فقد حصل بالفعل علي التقارير…

طلب بعدها تقارير عن جهاز الشرطة و هيكلته و تسليحه و تسلسل القيادة فيه، و بعدها إجتمع مع المخابرات العامة المصرية و طلب تقارير مماثلة عنهم..

و تقارير مماثلة عن قطاع الأمن الوطني…

التشكيلات في سيناء و التسليح و أماكن الكمائن.. دلوقتي بس ممكن تفهم سر التهكم المرير في لهجة المشير طنطاوي و هو بيرد علي مرسي: “آه طبعاً”.. و نظرة الحزن في عينيه و هو بيكمل: “إن شاء الله”..

كل الأكمنة اللي اتضربت، كان محمد مرسي مسرب معلومات عنها…

ثم، و خد بقي المفاجأة دي.. طلب مرسي أصول المستندات اللي تثبت المعلومات اللي في التقارير.. و أرسل التقارير دي لمبعوثين من جهاز المخاربات القطري عن طريق “أمين الصيرفي” و “أسماء الخطيب”..

و تتدخل العناية الإلهية و يتمكن الأمن الوطني من ضبط أصول المستندات دي قبل تهريبها للخارج…

الكلام دا مثبت بمراسلات تحمل توقيع مرسي نفسه و خاتم الرئاسة.. و شهادات شهود.. و شهود من الجماعة نفسها.. و متهمين اعترفوا ببساطة: “أيوه عملنا كده بس مش كراهية في مصر.. بل حباً في جماعة الإخوان”.. زي الخائن “أحمد عفيفي”.. أحد المتهمين في القضية.. و “كريمة الصيرفي” اللي شهدت علي أبوها إنه احتفظ بالوثائق المهربة في بيتهم بالقاهرة الجديدة.. و انها تصفحت الأوراق.. و شافت أوراق عن تحركات الحرس الجمهوري و الفريق الرئاسي في حالات الطواريء…!

الأسوأ.. إن بمواجهة الأب.. اعترف انه كان بيسلم التقارير لقطر.. و إن “دي سياسة و شغل سياسة” و بالتالي النيابة ما تفهمش فيه…

تسريب اجتماع سد النهضة.. كان مقصود و مترتب عشان يقفل الباب علي الدولة المصرية في إنها تاخد أي إجراء عسكري أو مخابراتي.. رموا لأثيوبيا كارت تقدر تقول بيه: “انتوا اللي فجرتوه.. داحنا سامعينكم و العالم كله شافكم علي الهوا بتتآمروا علينا”… دا مثبت بمستندات و اعترافات..

و يمسك ممثل النيابة أعصابه.. و يطلب الإذن من المحكمة بالتوقف و يخرج منديله و يمسح أنفه و فمه (حركة طبيعية لما ضغط دمك بيرتفع) عشان و هو بيترافع ماينزلش للقفص و يضربهم بالجزمة.. و يتساءل: “هي تسليم أسرارنا العسكري لدولة أخرى.. سياسة؟؟ الخيانة سياسة؟؟؟”

الخيانة دي مقابل ايه بقي؟ مليون و نص دولار.. آه انت قريت الرقم صح.. “مليون و نص”…

و تلات آلاف جنيه لاحد المتهمين، اللي بيوصل المستندات عشان شغال كمضيف جوي.. و مابيتمش تفتيشه لطبيعة عمله.. و في واحد في حلقة الخيانة القذرة.. كان نصيبه “عقد عمل كمذيع في الجزيرة”.. عشان تعرفوا مذيعين الجزيرة بييجوا إزاي….

اعترافات مذهلة.. عن رئاسة دولة بتبيع أسرار الوطن لمن يملك الثمن…

اعترافات أصحابها مسجلينها و كاتبينها و ماضيين عليها.. بإرادة حرة و بيبرروا فيهم الجرائم القذرة دي.. بأن هو دا الصح من وجهة نظرهم.. و دي السياسة..

بيع الوطن بالدولار بقى سياسة ووجهة نظر…

السؤال بقي لشوية الجزم بتوع المصالحة عبيد الأقرع اللي قاعد في النمسا و الأهبل اللي قاعد في هارفارد .. انتوا عايزين تتصالحوا مع مين بالضبط؟؟ و مقابل إيه؟؟ و علي إيه و الهدف إيه؟؟ انتوا فاهمين بتتكلموا علي إيه بالضبط؟؟؟؟

و السؤال لشوية العيال البقر و قطيع الخراف اللي ماشي ورا المعاتيه اللي في قطر و تركيا النايمة علي روحها بتاعت الخلافة.. أنا أول مرة أعرف إن الخلافة من قطر.. و إن الخليفة بيدفع رشاوي و يقبل رشاوي و يتجسس و يهرّب شنط…

أول مرة أعرف إن دي “شرعية” يا بتاع الشرعية.. يا تافه

انتوا بتعملوا ايه بالضبط.. و عايزين ايه بالضبط؟ بتفكروا إزاي؟؟

لينك المرافعة أهو للي يحب يكملها: https://www.youtube.com/watch?v=PLotPBpJ2Cg

عشان مش قادر أكمل.. جالي غثيان من فرط القرف..

Alaa Hammouda‎‏.

صورة صفحة ‏‎Alaa Hammouda‎‏ الشخصية

Advertisements