ولانبى نحبك ولانبى نكرهك

 

المركز الاعلامي بنغازي

·

‫#‏فاصل‬
مواطن ليبى علق تعليق طويل على صفحة احمد قذاف الدم ” الممولة” بفلوسنا
بعد ان سرد لقذاف الدم معاناة الليبيين 42 سنة بالصوت والصورة
تحت حكم “عيلة” هى والصلاح لا يلتقيان
خذيت منه هالفقرات بإيجاز
قال : انا لا نحبك ولا نكرهك وانا مانى سياسى انا نبى نحكى لك على رزقى اللى نهبته وعطيته لداعرات شارع الهرم فى مصر ورقصاتها
فسدتوا الشرطة وخليتوهم ” تجار مخدرات”
الجيش كملتوه فى تشاد
اعدامات
سجون
قتل بالجملة جوا الزنازين
ومازلت ورانا بجيوش الكترونية
وتشرى فى ذمم رجاجيل واشنابات
وفتن وتخليط مدن وقرى وقبائل وعوائل فى بعضها
اعيالكم يقروا برا وكل من ولاكم قعد دكتور وبرفسور وشوف سى ” بعيرة” ولد مدرجكم الاخضر اللى مازال ماشى على خطاكم فى التهديم وامثاله مالهم حد
قتلتوا الابرياء فى طياراتنا الليبية
استخدمتم مع قادة نظام الملك قانون العزل الحياتى مش العزل السياسى
كذبتوا على البسطاء بمعادتكم لامريكا وللغرب فوق الطاولة
وتحت الطاولة انتم صبيانهم وولاتهم فى ليبيا
فسدتوا الصبايا
نغزتوا عويلنا بالايدز
يخوت عيالكم على موانى ايطاليا كل ليلة أحد حفلات شمابنيا وصريخ ” وشش” اوربا العاريات
حتى البشر درتوهم ارقام
لاعبى كرة القدم بالرقم ومالهمش اسم
وقتلتوهم اخرى
صمطتوا بيوت الناس وسياراتهم وارزاقهم
وقلتوا لنا تقشفوا و ماتاكلوش لحم
كولوا عدس
مأسيكم واجد
اسواق عامة ومنشأت وكمونات ولجان شعبية وثورية ومؤتمرات ومؤامرات
غير اكبر المأسى اللى شفتها :
انى شفت اطفال ليبيين فى عهدكم ياكلوا فى التراب يحسابوه شكولاطة
وشفت مدخنين اصحاب كيف فى عهدكم يدخنوا فى كواغط
انا لا نحبك ولا نكرهك ولانبى نحبك ولانبى نكرهك
لكن بالله خلى الاجيال القادمة تعيش
وخطانا
خطانا برحمة والديك
‫#‏بس‬
سعد المنصورى

Advertisements