والله تعبتونا يا عرب بنغازي

والله تعبتونا يا عرب بنغازي معش عرفنا كيف ننسترو معاكم ؟؟
درتوا ثورة فبراير ووقفنا معاكم فيها ، و بعدها جبتو الناتو و دمرو جيش القذافي ، و بعدها قعدتوا ادافعوا علي الثوار ، و بعدها انقلبتو علي الثوار ، و بعدها قلتو نبو الجيش يحكمنا ، و بعدها قلتو نبو بنغازي عاصمة ، و بعدها قلتو لا نبوها فيدراليه و بعدها قلتو لا نقسموها ، وهذا كله انتم اللي مرشحين جعودة التل و الزوبي و بعيره و امال بعيو و سرقيوه و العريبي و بوزعكوك و دغيم و باقي الحكاكي اللي في البرلمان و المؤتمر الوطني كلهم طالعين من تحت أصابعكم .
و بعد هذا كله طلعتوا فرحانين برجوع الطيب الصافي عشان مكر في مصراتة ، و كرهتو ليبيا كلها ، لا تحبو درنه و لا تحبو مصراتة ولا تحبو طرابلس ، و اخر النهار تقول علي طبرق صادشين .
و قسماً بالله معش عرفناكم شنو تبو من ليبيا ولا شنو تبو منا ؟؟
نصيحة من خوكم ، أقعدوا علي كراسي عقولكم ، و راجعوا حسابتكم !
راهي بنغازي عزيزة علينا

Advertisements