الحمدلله طلعت من عينها …

الحمدلله طلعت من عينها …
كيف بندرس سيارتي جيهة جامع الميت وبننزل انصلي درست من هنا وبنسكر الرواشن ودورة تبدا سنفونية من جميع انواع الطلقات
مجموعة هادين علي حرس معيتيق من جيهة قاعة الشعب وشكلهم نزلو من سياراتهم وبدو يرمو وانا ما فهمت شي خديت ساتر ولبدت و بعدها خشيت للشارع يلي قبل الجامع بزنقتين هدت شوية ركبت سيارتي انديترو للزنقة من جديد ومعاش عرفت شن اندير وخرت هلبا و انحطها عالd والكتحة حتى الاربعة شوارع ما ركزتش فيهم …
المشكلة لما ركبت بنوخر السيارة بدي الضرب من جديد طلعت شوماخر يلي داخلي و يلي خاف سلم ما وقفتش السيارة لين وصلت الحوش ههههههههه
الحصيلة بعد اتصالات بالاخوة واحد مات من حرس معيتيق و خوف انتشر بين المصلين ورعب الله لا تربحهم
الناس يلي يصلو ومخليين عائلاتهم في السيارة طلعو مرعوبين وحالة صارت في الناس ولاحول ولا قوة الا بالله
بعض المعلومات اتقول جماعة التاجوري هما يلي دارو الهدة

Advertisements