نيويورك تايمز: محمد جواد ظريف: فلنخلّص العالم من الوهابية

Advertisements

ليبيا تجمعنا

ربما تحتوي الصورة على: شخص واحد
الخالالإعجاب بالصفحة

كلمات أعجبتني فنقلتها : إلى كل أنصار القذافي والفاتح – أصدقائي واصحابي وخوتي .. ليبيا تجمعنا كلنا..والأختلاف لا يفسد للود قضية.. بمناسبة الفاتح أني من ثوار 17 فبراير نعترف ان القذافي كان موفرلنا الخبزة وبضاعة الجمعية والمرتبات في وقتها ونعترف ليبيا كان عندها قدرها ودولة مستقلة ذات سيادة وهيبة ونعترف الأمور تحسنت جدا في السنوات الأخيرة ومئات المشاريع تم توقيع عقودها.
أبراج ومترو أنفاق وربع مليون مسكن وطريق سريع طوله 1500 كم وثلاثة مطارات عالمية ومنتزهات وموانئ وغيره هلبة هلبة حاجات. وصحيح البلاد كانت ماشية للأفضل والدولار متوفر والأسعار رخيصة وتأشيرة الشنغن ياخدها الليبي أحيانا في يومين.
وصحيح زاد هامش حرية الرأي والتعبير وصارت عندنا صحف أويا وقورينا تنتقد في كل المسئولين والأمن موجود ولا يمكن ليبي يخاف من السرقة أو الخطف في أي مكان.
كله موجود وعشناه وواقع. وكان أغلب الشعب مستبشر خير ومسامح القذافي في كل تجاوزاته سنين السبعينات والثمانينات وبداية التسعينات وعفى الله عن ما سلف. ونعترف أن الي حكمو البلاد بعد القذافي مجرد عصافير زينة وأوباش وأوغاد همهم مصالحهم وقبائلهم فقط لا غير.. وضيعو البلاد بحماقاتهم وأنانيتهم ونعترف أن تدخل الناتو وقطر في ثورة فبراير ليه سلبيات وتدنيس برنارد ليفي للأرض الليبية وأحتكاكه بالمجلس الانتقالي خطأ كبير وهفوة وزلة صعب تبريرها, كل الي فات صحيح والحق يعلو ولا يعلى عليه.
لكن قعدت نقطة سودة كبيرة في حق القذافي وتاريخه..

• أكبر من مذبحة بوسليم وأعدامات 7 ابريل وطائرة بنغازي المنكوبة وأطفال الأيدز.
• نقطة أكبر من أغتصاب أملاك الناس والبيت لساكنه والسيارة لمن يقودها والأرض ليست ملكا لأحد،
• نقطة أكبر من مشروع الدولة الفاطمية الشيعية والأستخفاف بعقيدة المسلمين وبالرسول الكريم والعبث بتفسير أيات القرأن.
• نقطة أكبر من أن ليبيا دولة نفطية اربعين سنة بدون قناة فضائية محترمة أو ملعب دولي محترم أو قاعة مسرح محترمة أو شركة طيران محترمة.
• نقطة أكبر من أن دولة غنية شهاداتها الدراسية لا قيمة لها ومافيهاش جامعة وحدة مصنفة دوليا طوال أربعين عام ..{السعودية مثلا عندها 5 جامعات مصنفة}
• نقطة أكبر من أجبار بنات الثانوي على لبس الزي العسكري وأجبار طلبة الجامعة على حضور مراسم شنق زملائهم داخل حرم الجامعة وأجبار تلاميذ أعمارهم تحت 17 عام على الذهاب لحرب تشاد.
• نقطة أكبر من جيل كامل عاش من حصار لحصار ومن تحدي لتحدي وفي الأخير القذافي سلم كل الترسانة الليبية لأمريكيا وعوض ضحايا لوكربي 6 مليار وبعث ولده للبيت الأبيض يطلب المغفرة وطلع التحدي كله كذبة ووهم مقابل بقاء القذافي وأبنائه في السلطة.

والله العظيم كل الي فات صح وأني شاهد عليه قدام ربي..
لكن خلونا في النقطة الي هي جوهر الموضوع :
القذافي لما عرف روحه منتهي دار حاجة ما دارهاش زين العابدين ولا مبارك ولا شاه أيران ولا هولاكو ولا هتلر.
وزع على شعبه 11 مليون قطعة سلاح كان مخزنهم في أنحاء ليبيا. وأطلق سراح 17 ألف سجين عتاة القتلة والمنحرفين, وقبلها خلى البلاد من غير دستور ومن غير جيش واستبدله بكتائب مشتتة وعقيدتها حماية القائد وصغاره وبس.
أربعة أشياء دارها بقصد وتعمد وأصرار باش تنحرق ليبيا بعده. وتولي غابة موحشة وخرابة ونار ودمار, حاليا تسكيرة النفط وأحتلال سرت ودرنة وعبث المتطرفين بالبلاد هي بعض نتائج غياب الجيش,

الخطف والسلب والنهب والرعب هي بعض نتائج اطلاق المساجين
الحروب القبلية والرماية العشوائية والمعارك الشوارعية والإعتصامات المسلحة هي بعض نتائج توزيع السلاح.
التخبط السياسي وعبث البرلمان والمؤتمر وتدخل أمريكيا وفرنسا وقطر ومصر هي بعض نتائج عدم وجود دستور.
والله لو اليابان يوزعو علي شعبها سلاح ويلغو جيشها ودستورها ويطلقو المساجين لما تولي اليابان هردميسة عشر سنوات.
ولو دارها زين العابدين تونس حاتولي فيلم زومبي يستمر بلا نهاية
ولو دارها مبارك حيلقو كل يوم عشرة ألاف سقيطة تطفو في النيل
والله لو القذافي مادارش الحاجات هادي راهو مشت الأمور وطلعنا من الثورة بسلام.
القذافي عنده درجة من الحقد والشر رتب الأمور بحيث ما تكونش دولة إلا بيه وبصغاره.
القذافي هم وغم وكابوس أسود حيقعد لاحقنا لأخر طلقة سلاح. لأخر مجرم طليق.
القذافي مسح كل حاجة طيبة ممكن نتفكروه بيها وسيف لما قال أنسو كل شي 40 عام كان عارف مخطط بوه وعارف شن مجهزلنا.

• سامحوني ياعشاق القذافي .. والله ليبيا أجمل وأروع وأنظف من غير القذافي
• لو أنه مادارش الحاجات هادي .. وكانت أجمل وأروع قبل القذافي
• ياريته بدل السلاح وبعد 40 سنة حكم عقبلنا جيل واعي راقي مستنير وبدل أطلاق المساجين اطلق حرية الفكر وحرية الرأي وحرية الأبداع
• وبدل الكتائب عقبلنا جيش وطني ودستورعادل ومؤسسة قضاء قوية ومستقلة.
• وعلى فكرة ثوار فبراير مش أكثرمن عشرين ألف أغلبهم رجع لعمله وقرايته
ولا علاقة لهم بربع مليون ضبع مسلح يدّعو أنهم ثوار.

%d مدونون معجبون بهذه: